- Un total de 59 países comercializan actualmente a vacina rusa Sputnik V.
Ante os contratempos coa vacina de AstraZeneca, cada vez máis países europeos achéganse á órbita de Moscova para adquirir o preparado ruso Sputnik V. Entre os países de Europa do leste que negociaron bilateralmente con Rusia, está Eslovaquia, cuxo organismo regulador finalizou unha primeira avaliación. Con todo, a falta e a inconsistencia dalgúns adatos fan imposible polo momento adoptar unha conclusión definitiva sobre o equilibrio entre o beneficio e o risco que supoñería a súa administración neste país. En calquera caso, a axencia eslovaca recomenda administrar só as vacinas rexistradas, nun país que notificou ata a data 358.000 casos con 10.300 falecidos, e que presenta unha das taxas de mortalidade máis elevadas do mundo. Aínda que a vacina Sputnik V está pendente de avaliación por parte da Axencia Europea de Medicamentos, o ministro de Sanidade alemán, Jens Spahn, está disposto a negociar un eventual acordo bilateral con Moscova ante as reticencias da Comisión Europea.