Venezuela, Colombia, Chile… un tras outro os países de Suramérica apertan as restricións ante o alarmante aumento de casos de COVID-19. Venezuela prolongou a corentena radical tras rexistrar un récord de contaxios. Chile sumou este luns á batería de medidas en vigor un peche fronteirizo dun mes. Venezuela rexistrou un novo récord de contaxios, con preto de 1.800 positivos nun día e 15 mortos. Así as cousas, o presidente venezolano, Nicolás Maduro, anunciou que prolonga sete días máis a corentena radical decretada hai dúas semanas. Na súa opinión, o culpable da situación actual é o presidente brasileiro, Jair Bolsonaro. Colombia tamén se acoiraza fronte ao virus. O presidente Iván Duque anunciou novas medidas durante as próximas dúas semanas para restrinxir a mobilidade e evitar un terceiro pico da pandemia.
39