Vieiro conmemora o Día Mundial da Sida

Asociación Vieiro para o Día Mundial da Sida_Cedida

Hoxe, 1 de decembro, é o Día Mundial da Sida e desde a Asociación Vieiro queren mostrar todo o seu apoio ás persoas que viven co Virus de Inmunodeficiencia Humana (VIH) ou que desenvolveron a enfermidade.

«A Covid-19 puxo sobre a mesa unha vez máis que a saúde interrelaciónase directamente con outros problemas fundamentais como a redución da desigualdade, os dereitos humanos ou a protección social», destacan desde Vieiro, cuxos integrantes reafirman que «deixar a alguén atrás non é unha opción» e que para «acabar coas pandemias do VIH e da Covid-19, coincidentes no tempo, é clave eliminar o estigma e a discriminación».