A asociación Vieiro de Carballo dentro da súa programación de prevención de adiccións con e sen substancia, imparte durante este mes de marzo na asociación Aspaber, un ciclo de talleres destinados a traballar a prevención de condutas adictivas:
O pasado xoves impartiuse o primeiro taller sobre os riscos e mal uso das Novas Tecnoloxías.
O xoves 14 de Marzo levarase a cabo o taller dedicado a substancias adictivas e as consecuencias do seu consumo.
O xoves 21 finalizará este ciclo de talleres abordando a temática de igualdade e violencia de xénero.
Os obxectivos destas xornadas son: ofrecer información sobre os efectos e consecuencias do consumo de substancias, dotar aos/as asistentes de coñecementos básicos das novas tecnoloxías dun modo saudable e sensibilizar e concienciar sobre a discriminación, os estereotipos de xénero e a violencia machista.
Vieiro agradece á dirección, ao persoal e aos/as usuarios/as da asociación Aspaber a posta en marcha destes talleres.