- Celebrarase o vindeiro luns e centrarase no uso responsable das novas tecnoloxías
A asociación Vieiro desenvolverá o seu programa DES-CONECTA, centrado no uso seguro das novas tecnoloxías, este luns 23 na sede da Asociación Prol Enfermos Mentais (APEM) e a Asociación de Pais de Discapacitados Psíquicos de Bergantiños (ASPABER). A de APEM empezará ás 10.00 horas e a de ASPABER ás 11.30 horas.
Abordaranse diversos aspectos coa finalidade de dotar de coñecementos básicos aos usuarios sobre o mundo dixital e o bo uso das novas tecnoloxías. A encargada de impartir estas xornadas será a psicóloga Lara Periscal Taibo.