33
- Está formado por tres bloques onde o alumnado aprenderá a manexar correctamente a tecnoloxía e fuxir de posibles adiccións
A asociación Vieiro, con sede en Carballo, iniciou este mes de xaneiro o programa ‘Habilidades sociais e persoais: o triángulo da saúde’ nos institutos do municipio carballés.
Esta iniciativa, enmarcada dentro da súa programación de prevención escolar, está dirixida ao alumnado que cursa a ESO e está dividida en tres bloques: Acompáñoche, Des-conecta e Ti elixes. Nas sesións téntase concienciar aos mozos dos perigos do mal uso das tecnoloxías e as adiccións que esta pode crear.
O programa ‘O triángulo da saúde’ levarase a cabo durante o segundo trimestre do curso escolar 2021-2022 e estará impartido pola pedagoga Dalila Vizcaíno, a educadora social Iria Villar e a psicóloga Lara Periscal.