Os feitos producíronse sobre as 8 e cuarto da mañá deste venres. A nai, supostamente, encarouse co rapaz de 13 anos, chegando a ameazalo co coitelo, ao parecer debido a un conflito que este neno tiña coa súa filla, estudante de primeiro da ESO.
Dende o propio colexio alertaron as forzas de seguridade, e ata o lugar trasladáronse varios axentes da Policía Nacional e unha ambulancia. O rapaz, vítima da agresión e compañeiro de clase da filla da suposta atacante, recibiu atención médica e déronlle varios puntos.
Testemuñas no lugar dos feitos declararon ante os policías que previamente ao suceso viron como a muller lle gritaba moi alterada ao menor. Os axentes detivérona pouco despois nas inmediacións do centro e retiráronlle o bolso no que supostamente levaba o coitelo.