Vigo | O alcalde e a ministra de Sanidade coñecen o traballo de Biofabri


Abel Caballero participou este xoves na visita que Carolina Darias, titular de Sanidade, realizou ás instalacións da compañía biofarmacéutica do grupo Zendal no Porriño.

O rexedor salientou o traballo que desenvolve a empresa que fabrica as vacinas de Novavax contra a Covid-19 nunha mostra da capacidade tecnolóxica “que somos capaces de aplicar desde a grande área de Vigo”.

Amais, Abel Caballero explicou que a FEMP conseguiu, tras unha proposta realizada aos ministerios de Sanidade e Interior, que se estea vacinando desde esta semana ás policías locais e aos bombeiros, que traballan en primeira liña coa cidadanía, ao tempo que se iniciou a vacinación das Forzas e Corpos de Seguridade do Estado. Caballero propuxo tamén a necesidade de que sexa vacinado o profesorado das escolas infantís, unha idea que foi aceptada no seo do Consello Interterritorial do Sistema Nacional de Saúde celebrado esta semana.