Vimianzo estrea un colector solidario coa forma dun torreón do Castelo

• Estes tapóns irán destinados a campañas de axuda a diferentes asociacións, entidades ou persoas

Desde este martes o municipio de Vimianzo conta cun novo elemento de mobiliario público coa forma do monumento máis recoñecido da localidade. Trátase dun colector de cor verde coa forma dun torreón do Castelo de Vimianzo que serve para depositar os tapóns de plástico, conseguindo un doble obxectivo. Por un lado, contribuír á diminución do impacto ambiental e, por outro, aumentar a solidariedade, xa que estes tapóns serven no seu proceso de reciclaxe para campañas de axuda a diferentes asociacións, entidades ou persoas.