O Concello de Vimianzo presenta un obradoiro para favorecer a conciliación laboral e familiar durante o Entroido. A iniciativa, que inclúe un amplo programa de actividades lúdicas, está dirixida á rapazada de 3 a 12 anos e levarase a cabo os días 16, 17 e 18 de febreiro, de 10:00 a 14:00 horas, no pavillón municipal.
As persoas interesadas poden formalizar as súas inscricións ata o 12 de febreiro na Casa da Cultura. O programa ten un prezo de 15 euros.
Desde o Concello apuntan a importancia deste tipo de programas, “que facilitan a conciliación das familias os días non lectivos e permiten, ao mesmo tempo, que os nenos e nenas se divirtan e aprendan”.