- Xa está aberto o prazo para inscribirse a través de fegatri.org
Vimianzo acollerá o domingo 9 de xaneiro o XIII Dúatlon de Reis, cuxa pasada edición deixou como campións absolutos a Gabriel Castiñeira Pais e Mar Delgado González. O prazo de inscricións xa está aberto e poden formalizarse a través da web fegatri.org.
Por primeira vez haberá unha proba específica para as categorías cadete, xuvenil e júnior, ademais das Sub-23, absoluta, veterana e por relevos puntuables para o circuíto galego.
Por outra banda, tamén volverán a celebrarse as probas de relevos por parellas en categoría masculina, feminina e mixta. Poderán participar os non federados con licenza dun día. A apertura de mesa será ás 08:30 horas e a saída do circuíto mozo está prevista para as 09:30 horas, mentres que a do circuíto galego está prevista para as 11:30 horas