O Concello de Vimianzo pecha esta fin de semana as dúas campañas de comercio postas en funcionamento para dinamizar as compras no comercio local.
O 6 de xaneiro será o último día para participar na campaña Mercalume, para a que as persoas participantes deberán xuntar 5 cuños nos establecementos colaboradores. O gran sorteo de 3.600 euros será este domingo, 7 de xaneiro, ás 19:00 horas no Recuncho Gastronómico.
A campaña repartirá catro premios de 500 euros, dous de 250 euros, dez de 100 euros e dous de 50 euros.
O troco de vales poderase facer efectivo a partir do luns, 8 de xaneiro, ata o día 31 deste mesmo mes.
No que respecta á campaña Mercabolas, o domingo será o último día para trocar os tickets-bóla por bonos no Bombo de Nadal, que este día estará en funcionamento de 17:00 a 19:00 horas.