Vimianzo terá operativa a pista de xeo desde o 14 de decembro | A inauguración será o 16


O Concello de Vimianzo estreará de maneira oficial a pista de xeo o 16 de decembro, aínda que estará operativa desde o día 14 na praza do Concello. Será de xeo natural novamente, é a segunda vez que este equipamento se instalará no municipio.

Desde o 14 ata o 22 de decembro convidarase ao alumnado de Camariñas, Vimianzo e Zas para que poida gozar desta actividade totalmente de balde en horario lectivo. Estará instalada ata o 8 de xaneiro.

Será obrigatorio o uso de luvas, proporcionaranse calzas de plástico desbotables e desinfectaranse os patíns despois de cada uso.

Desde o goberno local sinalan que “se trata dunha actividade que tivo moito éxito o Nadal pasado, e desta volta, xa case esquecida a pandemia, estamos seguros e seguras que poderemos gozar desta instalación dunha maneira sa para que as familias poidan botar un bo anaco celebrando estas Festas”, sinalan.