Unha octoxenaria veciña da parroquia vimiancesa de Cambeda resultou ferida de gravidade este sábado no lugar de Sanfíns ao quedar atrapada por un brazo nun muíño que usaban para moer o millo. Unha vez dada avoz de alarma ao 112 Emerxencias Galicia, ao lugar acudiron os Bombeiros de Cee, quenes liberaron á vítima, que foi trasladada ao Hospital Virxe da Xunqueira de Cee e posteriormente derivada ao Complexo Hospitalario Universitario de A Coruña (Chuac) debido á gravidade das feridas que presentaba. Ao lugar tamén acudiron a Garda Civil e a Policía Local de Vimianzo, así como unha ambulancia do 061.