Estalido monumental no Pavillón Municipal Pedro Padilla nas Palmas, a «apisoadora» do Calvo Xiria BM deixou pegada en Canarias e deu un golpe na mesa polo asalto aos postos de cabeza da primeira División Estatal Masculina de Balonmán, Liga Regular, Grupo A, ante o Balonmán Ingenio nesta Xornada 23. Desta forma cun contundente resultado final de 23-33, o Calvo Xiria BM mételle máis presión á cabeza da clasificación, empatando a puntos co segundo clasificado, o G.A. Lanzarote, e a só un punto do líder, o Embutidos Lalinense.
