O volcán de Cumbre Vieja volve xogar cos nervios da poboación da illa canaria da Palma. A uns 450 metros do cono principal abríronse dúas novas bocas, moi próximas entre si. Por elas manan ríos de lava que parecen querer unirse coa coada principal no seu avance cara ao mar. Con estas dúas novas bocas, o volcán xa emite por catro puntos diferentes. A lava, moi líquida, avanza cara ao oeste. Irrompeu en dous barrancos, levándose por diante novas edificacións.
Segundo as autoridades canarias, o volcán xa emitiu 80 millóns de metros cúbicos de magma, o dobre dos que emitiu o volcán de Teneguía en 1971 e na metade de tempo. A superficie afectada, uns 700 quilómetros cadrados, representa o 10 % da illa. Máis de mil construcións víronse danadas, 870 quedaron totalmente destruídas.