Volodímir Zelenski, elixido persoa do ano pola revista ‘Time’

A revista outorga este recoñecemento a quen considera que tivo maior influencia global durante os últimos 12 meses.

«Por demostrar que a valentía pode ser tan contaxiosa como o medo, por incitar a pobos e nacións a unirse en defensa da liberdade, por lembrar ao mundo a fraxilidade da democracia -e da paz-, Volodímír Zelenskí e o espírito de Ucraína son a Persoa do Ano 2022 de TIME».

Time destaca que chegou á presidencia en 2019 procedente do mundo das artes, onde fora actor e produtor de cinema, e esta experiencia, lonxe de xogar na súa contra, resultou ser determinante para converterse en líder. Co «espírito de Ucraína» Time fai referencia á reacción de solidariedade de empresas, ONG e Estados que suscitou Zelenski coa súa actitude.