Muxía presentou, a través da concelleira de Cultura, Olalla Benlloch, o ‘Muxía Cultura Outonal’ que volve un ano máis á vila da Barca cargado de actividades e actuacións.
A Sala do Voluntariado de Muxía será o recinto que acollerá este compendio de actividades que darán comezo o vindeiro 14 de outubro e rematarán o 25 de novembro. Ademais, a rapazada poderá gozar dos obradoiros ‘Halloween na Biblioteca’ que terá lugar o sábado, 28 de outubro, na propia biblioteca municipal.
As funcións destinadas para público familiar se levarán a cabo ás 18.00 horas e serán de balde. Namentres, as destinadas a público adulto celebraranse ás 20.00 horas. Todas as funcións se celebrarán na Sala do Voluntariado.
As actividades de público familiar será de balde e as de público adulto terán un custo de 1 euro. As entradas poderanse recoller durante a semana previa na biblioteca municipal ou media hora antes de espectáculo.
Tras a presentación, Benlloch puxo en valor que “esta programación cultural outonal ofrece a toda a veciñanza unha oportunidade de gozar dun compendio variado de actividades e pasar un rato agradable en familia”.
Programación completa
14 OUTUBRO
POLO CORREO DO VENTO “ Periplo Atlántico, unha homenaxe a Castelao”
Público familiar
18:00h Salón do Voluntariado.
21 OUTUBRO
MALASOMBRA “De algo hai que morrer”.
Público Adulto
20:00h Salón do Voluntariado.
28 OUTUBRO
HALLOWEN NA BIBLIOTECA. Obradoiros para a rapazada.
A partir das 17:00h
29 OUTUBRO
ISEO A MOURA “De cea cos defuntos”.
Publico Familiar
18:00h Salón do Voluntariado
4 NOVEMBRO
TRÉCOLA “Teatro de guiñol”
Público Familiar
18:00h Salón Voluntariado
11 NOVEMBRO
“O MAGOSTO DAS ABALADEIRAS”
18 NOVEMBRO
TALÍA TEATRO “Unha inimiga no pobo”.
Público Adulto
20:00h Salón Voluntariado
25 NOVEMBRO
AMORODIO “A Nai”.
Público Adulto
20:00h Salón Voluntariado