- O partido de Santiago Abascal esixía concellerías de goberno no Concello
Este martes Vox decidiu romper definitivamente as negociacións co Partido Popular (PP) na Comunidade de Madrid ao considerar que non hai avances no cumprimento do acordo por parte de ambos partidos.
A formación liderada por Santiago Abascal considera que o PP tivo suficiente tempo desde que se asinou o acordo para dar resposta ás esixencias de concellerías de goberno.
Ás 13:00 horas comparecerá o portavoz do Grupo Parlamentario de Vox no Congreso, Iván Espinosa de los Monteros, para avanzar esta decisión tomada no marco das negociacións do Goberno rexional.
Pola súa banda, o vicesecretario de Organización do Partido Popular, Javier Maroto, nunha entrevista a Telecinco, xa advertiu a VOX de que terá que dar explicacións aos seus votantes se Madrid finalmente queda en mans do PSOE e Podemos.
ACTUALIZACIÓN
Durante a súa comparecencia no Congreso, o portavoz de Vox, Iván Espinosa de los Monteros, anunciou que rompía as súas negociacións co PP en todos os concellos nos que se incumpriu o pacto (fotografía).
Por tanto VOX pasa así á oposición, xa que non considera ao PP como un partido de fiar.