Cidadáns ucraínos, civís, que adestran nos arredores de Kiev #ante unha posible invasión rusa, non son soldados profesionais, pero defenderán o país se así toca facelo. Entre eles hai arquitectos, comerciantes, investigadores, que empregan as súas fins de semana en aprender a manexar Kalashnikovs, lanzar granadas, e en definitiva, estar preparados para o que teña que pasar. A situación na fronteira convértelles en reservistas.
Alén da fronteira, onde segundo Kiev hai despregados máis de 100.000 soldados rusos, tamén hai simulacros, neste caso de rexeitamento de ataques aéreos, con preto de 1000 militares e case 200 unidades de armas, equipos militares e especiais. Vladímir Putin xa deixou clara a postura de Moscova e o seu desexo de que a OTAN, á que considera culpable desta situación, deixe de expandirse cara ao leste. E aínda que conta co apoio da metade dos seus cidadáns neste asunto, iso non significa que estes desexen unha guerra.
Está previsto que Moscova, Washington e a OTAN comecen as súas conversacións de achegamento a partir do 10 de xaneiro. Á espera de que iso suceda, os cidadáns dun e outro lado confían en que os actuais xogos de guerra queden simplemente niso.