O vicepresidente da Asociación Vieiro, o carballés Xosé María Arán Rodríguez, comunicou este mércores na súa conta de Facebook a súa situación de positivo por coronavirus. Arán afirma «estou ingresado no CHUAC, sen perigo e estanme aplicando protocolos coa medicacion especifica para este tema».
«Como afectado pido por favor que se sigan as medidas que indican as autoridades, fuxir de alarmismos e comentarios incertos».
Arán fai un chamamento á sociadade en xeral a adoptar as medidas preventivas estipuladas, que como demostraron no seu caso, todas son poucas. Un recoñecemento especial ao apoio da súa familia e aos profesionais sanitarios do CHUAC.