Xunta e Concello colaboran na renovación da piscina exterior municipal de Tordoia


O delegado da Xunta na Coruña, Gonzalo Trenor, acompañado polo alcalde de Tordoia, Eduardo Antonio Pereiro, supervisaron o resultado das obras de mellora da piscina exterior do Concello, que contaron cun orzamento total de case 40.000 euros dos cales a Xunta achegou 20.000 euros. A colaboración entre ambas administracións permitiu levar a cabo a limpeza e fixación de todas as losetas do recinto, e a execución da pavimentación en formigón e en caucho para garantir a comodidade e a seguridade dos usuarios.