- Grazas a un acordo coa Unión de Consumidores de Galicia tamén se prestará un servizo gratuíto sobre temas relacionados con recibos da luz ou auga, entre outros
Boas novas para Xuntos Carballo M+J. Este xoves, aproveitando o mercado na vila de Carballo, a formación municipalista abrirá a súa sede na capital bergantiñá en colaboración M+J Galicia. O local estará situado na rúa Desiderio Varela número 20.
«Entendemos que temos que dar un servizo á cidadanía, asociacións ou ONG presentes no noso concello e en Galicia», afirma o secretario xeral da agrupación, Xesús Deus Gende. Deste xeito, aqueles veciños que desexen aclarar dúbidas ou rexistrar queixas poden facelo de xeito presencial. Ademais, e grazas a un acordo coa Unión de Consumidores de Galicia, na oficina tamén se ofrecerá asesoramento técnico e gratuíto sobre recibos da luz, auga ou comisións bancarias entre outros temas. Será preciso pedir cita previa no 652 591 520 excepto os mércores, de 16 a 20.00 horas, e os xoves de 10 a 14.00 horas.