O secretario xeral de Xuntos Carballo por un mundo máis Xusto, Xesús Deus Gende, e o responsable de obras e servizos, José Luis Bardanca, desprazáronse ata dúas zonas de Carballo para atender varias reivindicacións.
As dúas primeiras chegan desde a rúa Oliveras. Ao principio da mesma, onde enlaza coa estrada xeral, existe un anaco sen asfalto de certa profundidade que causa danos nos vehículos ao non estar debidamente sinalizado. Un pouco máis abaixo, os habitantes piden que se coloquen proteccións nun pequeno regato, para evitar o potencial perigo que supón tanto para automóbiles como para persoas.
Outra das queixas chega desde A Regueira de Abaixo na parroquia de Lema, pois os ferros dos sumidoiros están podridos, o que incómoda aos veciños/as dado o seu perigo.
“Volvemos comprobar como os problemas cotiáns da vecinanza seguen sen solucionarse. Necesítanse actuacións urxentes que eviten na medida do posible incidentes, tanto físicos como materiais, por eso pedimos que se atendan estas peticións o máis rapidamente posible”, sinala Xesús Deus Gende.
