28
- Representantes da formación achegáronse ata APEM para recoller as demandas dos usuarios
Membros de Xuntos Carballo M+J visitaron este xoves o local da Asociación Pro Enfermos Mentais -APEM, situado na carballesa Avenida da Cristina, para recoller información sobre as necesidades e inquedanzas dos usuarios e do persoal do centro.
O secretario local da formación, Xesús Deus Gende, cualificou a xuntanza de «verdadeiramente interesante» e asegurou que as peticións recollidas serán incluídas no seu programa electoral xa que Xuntos Carballo M+J está a carón de calquera tipo de entidade que traballe pola saúde mental e diversos problemas sociais.