- Os propietarios dos terreos cedidos para tal actividade quedan exentos de pagar o Imposto de Bens Inmobles
Xuntos Carballo M+J demanda ao Concello que informe á veciñanza sobre a inversión realizada para dispoñer de varios estacionamentos na rúa Grabador Facal. Nesta ocasión trátase de dúas novas zonas habilitadas como aparcadoiro a través da cesión de terreos dos propietarios ao Concello a cambio de non pagar o Imposto de Bens Inmobles (IBI).
Desde a formación municipalista piden ao goberno local que aclare a situación das obras e o seu custo total, xa que ademais de persoal municipal tamén se contratou unha empresa privada. Ademais, piden que se especifique o tempo de cesión dos terreos e canto van deixar de ingresar as arcas públicas por non cobrar o IBI.