- Sinala que a empresa adxudicataria non está realizando as obras para as que hai un prazo de execución de tres meses
A formación municipalista Xuntos Carballo por un mundo máis xusto tacha de «cínicas» as promesas realizadas polo Consistorio no relativo á mellora dunha vintena de rúas por parte da Administración local. Sinalan que a empresa adxudicataria do proxecto «non está realizando ningún traballo actualmente -tendo tres meses de prazo de execución- polo que leva a pensar que moitas das rúas que no seu día se nomearon e publicitaron de maneira constante van ter que quedar para outra ocasión, o que nos deixa ver novamente o nivel de cinismo por parte do consistorio».
A agrupación reclama ao Concello que cumpra con todas as súas promesas e que tamén acondicione as rúas José Castro Chané e Gustavo Freire. Os veciños desta última quéixanse de que a cantidade grava que quedou solta entupe os sumidoiros imposibilitando que a auga circule correctamente.