Xuntos Carballo reclama melloras na rúa Compostela

A agrupación municipalista Xuntos Carballo a través do seu voceiro, Xesús Deus Gende, solicita que se realicen melloras no firme da «esquecida» rúa Compostela, no núcleo da vila carballesa. Fochancas na estrada e un paso de peóns mal pintado son as principais queixas que destaca a formación, facendo fincapé en que «son moitos os anos que esta vía está en mal estado» poñendo en perigo tanto a seguridade dos viandantes como dos condutores.