Xuntos Carballo solicita máis seguridade viaria nas rúas Violetas e Begonias

• Trátase de vías sen beirarrúas ou beiravías que son moi empregadas polos escolares que se dirixen ao Monte Neme

A formación local ‘Xuntos Carballo por un mundo máis xusto’, a través do seu secretario e voceiro, Xesús Deus Gende, solicita ao goberno local a creación de beirarrúas ou beiravías nas rúas Violetas e Begonias ante a falta de seguridade para os viandantes, sobre todo para os nenos que percorren ese tramo de camiño ao centro escolar Monte Neme.

Segundo confirman desde a entidade política, a reivindicación de máis seguridade chega por parte dos condutores escolares, resaltando «o perigoso que resulta circular» por eses camiños por medo a ferir a alguén.