Yolanda Díaz avanza cara ao seu proxecto político

A vicepresidenta e ministra de Traballo, Yolanda Díaz, a preferida polo espazo morado e as formacións irmás para capitalizar en 2023 o voto á esquerda do PSOE, deu este domingo un paso máis no seu proxecto político na asemblea dos comúns de Ada Colau.

«O outro día en Valencia deime conta que hai esperanza», afirmou a vicepresidenta, que se mostrou «orgullosa» dos «compañeiros» de Catalunya en Comú polo seu «traballo» e «valentía».

«España agora necesita un liderado como o de Yolanda Díaz. Vou forzar a que sexa candidata», dixo Colau, quen engadiu que se dá o paso «non vai estar soa».