34
Este ano Zas celebra o Día Internacional da Muller cun programa adaptado á situación sanitaria actual e no que I Ruta pola Igualdade será unha das actividades principais. Esta é unha actividade para participar libremente e que consiste en percorrer ata o 15 de marzo os photocalls ubicados en distintas localizacións do municipio. Unha vez que os percorras todos podes subir as fotos ás túas redes sociais etiquetándoas e cos hashtags #8MZas e #Zaspolaigualdade. Ou se o prefires tamén podes mandar as fotografías ao enderezo electrónico cim@concellodezas.org. As tres primeiras persoas que completen a ruta terá un premio sorpresa.
Estas son as localizacións con photocall:
- Praza do Concello
- Carballeira de Zas
- CPI de Zas
- Pavillón Municipal de Zas
- Torres do Allo
- IES Maximino Romero de Lema
- Pavillón Municipal de Baio
- CEIP Labarta Pose
- Praza do centro de Baio
- Ponte de Brandomil
Outras actividades
- Obra de teatro “Invisibles”: A compañía Redrum Teatro traénos o sábado 12 de marzo ao Auditorio do Concello a súa obra de teatro «Invisibles» na que narra casos reais de violencia de xénero sufridos por sete mulleres galegas. A función, dirixida ao público adulto, comeza ás 20:00 horas e para asistir é necesario reservar entrada no 981 751 398
- OitoM. Moito por cambiar. A Deputación da Coruña organiza un foro e tres conversas en liña nas que se reflexionará sobre os retos relacionados coa posición da muller no mercado laboral así como as intersecións da Covid19 coas violencias machistas e os efectos específicos nos corpos e na saúde das mulleres. Para participar é precisa inscrición previa a través do formulario i.gal/oitoM