O Concello de Zas, a través do seu departamento de Cultura, vén de dar a coñecer as actividades do tradicional programa “Maio, mes das letras” co que conmemora o Día das Letras Galegas que este ano está adicado a Francisco Fernández del Riego. A maior parte das propostas están dirixidas ao público en idade escolar e nas que inclúe actuacións musicais, contacontos e teatro. Ademais como vén sendo habitual por estas datas, as Bibliotecas municipais e o Concello de Zas convocan o XIV Concurso de Marcapáxinas.
