Volodímir Zelenski acusou este domingo a Rusia de cometer un xenocidio en Ucraína para eliminar a toda a nación. Denuncia do presidente ucraíno tras o horrible descubrimento de numerosos cadáveres de civís, algúns atados de pés e mans, esparexidos polas rúas de Bucha, ao noroeste de Kiev. Tamén con impactos de bala na caluga, segundo as autoridades ucraínas, e centos de corpos en fosas comúns.
A comunidade internacional reaccionou arrepiada ante esta atrocidade. A presidenta da Comisión Europea Ursula von der Layen pediu unha investigación independente. O ministro de Exteriores ucraíno Dmitro Kuleba pediu ao tribunal penal internacional e a organismos internacionais que acudan ao lugar para solicitar evidencias dos crimes de guerra rusos.
Mentres, Rusia negou rotundamente que as súas tropas matasen a civís en Bucha. Mantén que eses vídeos e fotos son unha produción do réxime de Kiev para os medios occidentais. O ministerio de Defensa alega que as súas tropas retiráronse da cidade o trinta de marzo.