O presidente ucraíno Volodímir Zelenski contactou por videoconferencia co Congreso de Estados Unidos este mércores. Cando tomou a palabra, o presidente comparou a situación do seu país con episodios históricos que marcaron profundamente ao pobo estadounidense: O ataque a Pearl Harbor e os atentados do 11 de setembro. Logo pediu axuda para neutralizar a ameaza aérea rusa. Tamén remarcou que «agora mesmo» o «destino» do seu país «está a ser decidido», xa que o «brutal» ataque de Rusia ten como «obxectivo os valores humanos básicos» dos ucraínos. Zelenski agradeceu o esforzo internacional, pero pediu a Biden «novos paquetes» de sancións contra Rusia ata que «a máquina militar rusa se deteña». Insistiu, así mesmo, na solicitude de que a OTAN impoña unha zona de exclusión aérea en Ucraína, algo ao que tanto Washington como a alianza se opuxeron.
34