O presidente de Ucraína, Volodímir Zelenski, viaxou a Yeda, Arabia Saudita, para participar no cume anual de xefes de Estado da Liga Árabe. Fíxoo como “invitado de honra” de Arabia Saudita e pronunciou “un importante discurso” ante os líderes deste organismo árabe, na súa primeira visita oficial a Oriente Medio desde que deu inicio a invasión rusa. Acusou durante o seu discurso a algúns dirixentes árabes de ignorar os horrores da invasión rusa de Ucraína. Tamén se reuniu á marxe do cume con “presidentes e monarcas” dos países membros da Liga Árabe. Tras a invasión rusa de Ucraína, Arabia Saudita quíxose erixir como un dos principais mediadores no conflito xunto a Emiratos Árabes Unidos, países que participaron nas conversacións para o intercambio dunha decena de detidos entre Kiev e Moscova. A visita de Zelenski tivo lugar antes de que o presidente ucraíno viaxe ao Xapón para asistir ao cume do G7 que se inaugurou na cidade nipoa de Hiroshima, e onde os seus líderes anunciaron novas sancións para facer pagar a Rusia pola guerra en Ucraína.
0