O sentimento de urxencia planea sobre a conferencia de seguridade de Múnic, que comezou este venres, cando está a piques de cumprirse un ano da invasión rusa, cunha intervención do presidente ucraíno, Volodímir Zelenski.
«Necesitamos rapidez. Velocidade para concluír os nosos acordos, velocidade das entregas para reforzar a nosa loita, velocidade das decisións para limitar o potencial ruso. Non hai alternativa á velocidade, porque da velocidade depende a vida«, afirmou Zelenski.
O chanceler alemán, Olaf Scholz, instou, pola súa banda, aos aliados para actuar con pés de chumbo fronte a Rusia e a coordinarse porque esta guerra é «perigosa», advertiu.
Tamén pediu aos países que dispoñen de tanques LEOPARD 2 que os envíen a Ucraína canto antes.