Volodímir Zelenski pide aos líderes do G7 perseveranza e «fortaleza» no seu apoio á causa ucraína para derrotar a Rusia. O presidente ucraíno dirixiuse de forma remota aos mandatarios, que estaban reunidos no Xapón.
«Putin planea simular a reelección para un novo mandato presidencial, e acalar a crecente insatisfacción rusa cos resultados da guerra. Aumentou significativamente a presión na fronte de batalla», declaraba Volodímir Zelenski.
Mentres as forzas de Rusia tratan de ampliar o seu control na rexión de Donetsk, os dirixentes do G7 acordaron restrinxir as importacións de diamantes rusos. Así, a partir de xaneiro establecerán un veto ás importacións de diamantes non industriais de orixe rusa, incluídos os extraídos, procesados ou producidos nese país.