O presidente de Ucraína pediu desde a sede da Corte Penal Internacional en Países Baixos, un tribunal especial para castigar os crimes de guerra de Rusia. Zelenski rexeitou calquera tipo de «inmunidade híbrida» e subliñou que só un tribunal «de pleno dereito» poderá garantir unha «paz duradeira».
«É o poder da liberdade e da lei o que debe funcionar para garantir a xustiza, non as promesas híbridas en lugar dos dereitos humanos. A liberdade real. Non a impunidade híbrida e as formalidades simbólicas, senón a xustiza plena», destacou o presidente ucraíno.
Zelenski aproveitou a súa posterior reunión co primeiro ministro neerlandés para pedir que Ucraína entre na OTAN tras a guerra e reclamou de novo que se axilice a entrega de armas e, en particular, pediu a Países Baixos e a Bélxica que axuden a Ucraína a crear unha coalición disposta a darlle vehículos armados.