Ucraína está convencida de que vai gañar a guerra a Rusia. Ese foi o punto principal do discurso de Volodímir Zelenski ante o Parlamento danés. Alí o presidente de Ucraína destacou a importancia do apoio internacional para lograr a vitoria. Dinamarca, xunto cos Países Baixos, comprometeuse a proporcionar avións estadounidenses F-16 a Ucraína.
Rusia advertira aos países occidentais contra este apoio, alegando que podería considerar estes avións unha ameaza nuclear, xa que son capaces de transportar armas nucleares.
Ucraína cifra as súas esperanzas nestes caza para cambiar nun futuro a marcha da guerra e obter superioridade aérea nos territorios ocupados, que segundo o mando ucraíno é a clave para o éxito da súa actual ofensiva terrestre, retardada pola resistencia rusa.
«Queridos amigos, hoxe estamos seguros de que Rusia perderá esta guerra. Pero esto non é o máis importante. O principal é o que demostramos coa nosa vitoria, coa nosa cooperación. O que demostrades apoiando a Ucraína. Xuntos demostramos que a vida é un valor, que a xente importa, que a liberdade importa, que Europa importa», dixo Zelenski.