O novo Goberno de coalición de Pedro Sánchez terá 22 ministerios, cinco deles para Sumar e doce estarán dirixidos por mulleres.
Continúan á fronte as tres vicepresidentas, o Ministerio da Presidencia con Félix Bolaños, que asume ademais Xustiza, e seguen Fernando Grande-Marlaska como ministro de Interior; José Manuel Albares, como titular de Exteriores; Luís Planas, como ministro de Agricultura, Pesca e Alimentación; Diana Morant en Ciencia e Pilar Alegría, como ministra de Educación e Deportes e ademais asume a portavocía. Isabel Rodríguez continúa como ministra pero cambia de carteira e asume Vivenda e Axenda Urbana. A carteira de Igualdade volve ao PSOE e será para Ana Redondo García.
Pola súa banda, desde Sumar, Yolanda Díaz continúa como vicepresidenta e ministra de Traballo e ademais o partido asume catro carteiras máis. Mónica García liderará Sanidade; Urtasun, Cultura; Rego dirixirá Infancia e Mocidade e Bustinduy, Dereitos Sociais.
En total saen do Goberno nove dos actuais ministros en funcións: Pilar Llop (Xustiza), Raquel Sánchez (Vivenda, Movilidad e Axenda Urbana), Héctor Gómez (Industria, Comercio e Turismo), Miguel Iceta (Cultura e Deporte), José Miñones (Sanidade), Ione Belarra (Dereitos Sociais), Irene Montero (Igualdade), Alberto Garzón (Consumo) e Joan Subirats (Universidades).
Repartición de ministerios
