No marco da Operación GOINCO I, instruída polo Equipo de Estafas Telemáticas da Compañía da Garda Civil da Coruña procédese á investigación de tres persoas, dous homes e unha muller, residentes en Almeria, todos eles do mesmo circulo familiar e de nacionalidades española e congoleña, como presuntos autores de Delito de ESTAFA (20.000€), Delito de pertenza de GRUPO CRIMINAL, así como Delito de BRANQUEO DE CAPITAIS (60.000€).
A Operación comezou por mor dunha denuncia interposta no Cuartel da Garda Civil de Oleiros, na que un veciño da localidade, expoñía que fora vítima dunha estafa por importe de 4500€. Os feitos ocorridos entre o 3 e o 8 de marzo de 2020, onde os investigados co fin de ocultar a súa identificación así como evitar calquera seguimento do rastro de diñeiro estafado, de forma concertada crearan un armazón, no cal con distintos roles de participación fanse fraudulentamente coa numeración de tarxetas de distintos países, para posteriormente cargar os mesmos en contas dunha empresa en liña, para posteriormente utilizando esta a modo de ponte extraer fisicamente o diñeiro nos caixeiros ou realizar transferencias a outras contas ponte.
O diñeiro estafado era conseguido enganando aos prexudicados (denunciantes) mediante cargos fraudulentos nas súas tarxetas de débito. Conseguidos os ingresos na plataforma GOIN, estes eran utilizados inmediatamente (pola facilidade do acceso a Internet e a rapidez das transaccións), os SUXEITOS AUTORES procedían a realizar as transferencias das devanditas ganancias ilícitas a outras contas bancarias vinculadas á súa “conta ponte GOIN”, polo que se establece de forma indubitada a vinculación tanto do autor material das estafas , dos titulares das contas bancarias e teléfonos móbiles utilizados.
A utilización deste modus operandi realizado polos autores, a través dos mecanismos telemáticos permitíalles utilizar esta conta GOIN, como unha conta ponte para posteriormente sacar o diñeiro en caixeiros automáticos bancarios, por parte dos investigados ou noutras ocasións realizaban compra de criptomonedas, concretamente Bitcoins, e ordenaban o seu envío a wallets externos á aplicación, os cales eran propiedade de terceiras persoas, realizando así un enriquecemento persoal ao quedar cunha parte desas transferencias así como facilitando o branqueo de capitais para terceiras persoas.
Instruíronse dilixencias por parte do Equipo de Estafas Telemáticas Coruña remitidas ao Xulgado de Instrución nº 1 da Coruña. Con esta Operación esclarecéronse outros feitos ilícitos ocorridos nas localidades de Santiago de Compostela, Boadilla del Monte (Madrid), Ontinyent (Valencia) Fuengirola (Málaga) e Fuenlabrada (Madrid).