A operación Ranger da Garda Civil culminou coa completa desarticulación dunha organización criminal dedicada ao narcotráfico e ao tráfico de inmigrantes que dirixía e controlaba desde o Campo de Xibraltar (Cádiz) Bubu, tamén arrestado e considerado o criminal máis activo do sur de España. Foi a primeira grande operación contra o narcotráfico deste ano, coa detención de 30 persoas nas provincias de Cádiz, Málaga, Pontevedra, Almería e a cidade autónoma de Melilla, na que se realizaron tamén 23 rexistros domiciliarios. A organización dirixida por Bubu tiña un carácter policriminal, xa que estaba dedicada ao tráfico internacional de cocaína, haxix e marihuana, pero tamén ao tráfico de inmigrantes marroquís. O dispositivo contou coa participación de máis de 250 axentes de diferentes unidades da Garda Civil de toda España.
21