36
25 millóns de empregos están en perigo polo impacto da crise do coronavirus nas aerolíneas se as estritas limitacións de circulación duran ata tres meses. 2,7 millóns corresponderían ao sector aéreo. O total dos afectados podería chegar a ser 65 millóns e medio de persoas que traballan en sectores relacionados coa aviación, como o de viaxes ou o turístico. Asegúrao a IATA, a Asociación Internacional de Transporte Aéreo, nun comunicado, no que mantén que a rexión máis afectada sería a de Asia-Pacífico, onde máis de once millóns de empregados poderían quedar na rúa, seguida de Europa, con 5, 6 millóns de damnificados. E Latinoamérica podería perder case tres millóns de postos de traballo.