24
Un home resultou ferido de consideración despois de caer desde unha altura de catro metros na Cima de Aldea, en Vila de Cruces. O 112 Galicia recibiu a alerta do suceso a través de Urxencias Sanitarias de Galicia-061, que mobilizou un helicóptero medicalizado para atender ao home ferido e no que foi evacuado ao Complexo Hospitalario Universitario de Santiago de Compostela. Para prestar apoio e colaborar co equipo médico desprazado na aeronave, desde o 112 Galicia púxose a situación en coñecemento da Agrupación de Voluntarios de Protección Civil de Vila de Cruces e dos axentes da Garda Civil.