A candidata de Podemos á Comunidade de Madrid, Isabel Serra publicou este domingo un tweet no que explica por que a sanidade publica non debe aceptar as doazóns de Amancio Otrega. O pasado mes de abril, a Comunidade comprou dous equipos oncolóxicos para os hospitais da Paz e Ramón e Cajal que custaron algo máis de 13 millóns de euros que financiou a fundación do dono de Inditex.
Serra fixo referencia aos millóns de euros que se aforra Ortega en impostos, que, ao seu xuízo, é de onde deben proceder os fondos que garantan o funcionamento da Seguridade Social: «En España aforrouse 218 millóns. En Francia 76. 57 en Italia. 25 en Alemaña. 22 en Reino Unido. 20 en Grecia. E isto son estimacións á baixa», escribiu na rede social.
Engadiu que aínda que as doazóns son «algo persoal», a sanidade «debe defenderse todos os días». «Non pode depender da caridade, do humor ou a bondade coa que se levanten os multimillonarios».