O candidato á alcaldía de Barcelona por parte de Ciudadanos propón o seu apoio á alcaldesa en funcións, Ada Colau, e ao candidato socialista, Jaume Collboni, para evitar que o separatista Ernest Maragall goberne no Concello barcelonés.
O ex primeiro ministro francés ofrece, sen condicións, os 6 concelleiros da súa plataforma ‘Barcelona pel Canvi’ obtidos nas eleccións do 26M, para conseguir a solución menos mala para todos.
«Barcelona ten uns valores e uns principios. Os seus intereses son incompatibles co independentismo. A prioridade é evitar que Barcelona sexa a panca do independentismo e a capital dunha república imaxinaria, o que Ernest Maragall prometeu que faría. E o seu discurso desde o domingo confírmao», afirmou Valls.
Ernest Maragall, de Esquerra Republicana de Catalunya, gañou as eleccións municipais en Barcelona en número de votos pero empatou con 10 escanos coa aínda alcaldesa e candidata de esquerda apoiada por Podemos, Ada olau.
O Partido Socialista de Cataluña, encabezado por Jaume Collboni, obtivo 8 concelleiros, e a maioría absoluta sitúase en 21 escanos.
Collboni tamén manifestou que os barceloneses votaron opcións non independentistas nas eleccións do 26M, polo que non entendería que finalmente Maragall se posicionase como alcalde da cidade condal. Desta maneira, Manuel Valls propón unir forzas para frear a chegada do independentismo á alcaldía da capital catalá.