A Fiscalía solicitou ao Tribunal Constitucional (TC) que aparte ao seu presidente, Pedro González-Trevijano, e ao maxistrado Antonio Narváez antes de que o pleno extraordinario aborde o recurso presentado polo Senado para tentar levantar a suspensión do trámite parlamentario das dúas emendas que buscan renovar a propia corte de garantías.
Desde a Fiscalía indícase que «a incuestionable vinculación directa dos citados membros do pleno» co obxecto de tramitación parlamentaria sobre a que se proxecta o recurso de amparo, xa que de saír adiante a reforma legal paralizada serían substituídos polos candidatos nomeados polo Goberno.
Os maxistrados reúnense de urxencia para debater e votar se manteñen a medida cautelarísima, solicitada polo PP e acordada polo TC, unha vez que o Senado solicitou que se resolva dita impugnación antes do xoves, cando está previsto que o pleno da Cámara Alta vote a proposición de lei, da que, polo momento, se retiraron esas emendas.