O ministro de Agricultura, Pesca e Alimentación, Luís Planas, presidiu a Conferencia Sectorial de Agricultura e Desenvolvemento Rural, que acordou a distribución entre as comunidades autónomas de 294,6 millóns de euros para o financiamento de programas agrícolas e gandeiros.
A maior parte esta cantidade corresponde á distribución dun crédito de máis de 158 millóns de euros para o financiamento dos Programas de Desenvolvemento Rural e as intervencións do Plan Estratéxico da Política Agraria Común (PAC).
En 2023 coexisten dous períodos de programación: o período 2014-2022 cos programas de desenvolvemento rural, e o primeiro ano de execución do período 2023-2027 do Plan Estratéxico da PAC. O ministro Planas explicou que estes programas contemplan medidas de apoio orientadas a mellorar a competitividade do sector agroalimentario, asegurar a xestión sostible dos recursos naturais e a acción fronte ao clima e a alcanzar un desenvolvemento territorial equilibrado das zonas rurais.
A distribución entre as comunidades autónomas é a seguinte:
