22
As dúas persoas que ían na moto máis dous peóns sufriron lesións de diversa consideración, polo que foron evacuadas en diferentes ambulancias.
Segundo os datos recollidos no 112 Galicia, o sinistro produciuse preto das sete da tarde deste luns na Rúa Gregorio Espiño, tal e como explicaron varias persoas que chamaron ao número único de atención ás emerxencias.
Para atender aos feridos, solicitouse a intervención dos profesionais de Urxencias Sanitarias de Galicia-061, que enviaron varias dotación ao punto.
Ademais, foron alertados os axentes da Policía Local que continúan cos trámites necesarios para coñecer todos os detalles deste accidente.