Tras tres vitorias de catro partidos disputados, ata o de agora, o comezo da liga para o equipo que dirixe Héctor Méndez, está a ser bo, a pesar de que aínda non é capaz de dar continuidade ao seu xogo durante os 40 minutos de partido e cústalle entrar a bo ritmo no inicio dos encontros. Pero o equipo está a traballar para corrixir estas malas dinámicas e seguir mellorando máis e máis durante cada semana de competición. Os carballeses xogaron este domingo en Zamora contra o recentemente ascendido á categoría Caja Rural. O Basket Xiria foi claro dominante do partido desde o principio, aínda que de menos a máis, posto que lle custou un pouco adaptarse ao seu mellor xogo, dominando ao descanso por 26-42, (12-24 / 14-18). Tras o paso por vestiarios o Caja Rural Zamora tentaba sorprender con máis presión ao Basket Xiria, que aguntó ben o tirón aínda que un pouco máis axustado, 14-18 / 13-19, ao final 53-79 e que pase o seguinte, que será xa na casa contra o Estudiantes de Lugo. James Potier foi o máximo anotador da contenda e por conseguinte o xogador do partido con 22 puntos.
25